مانچسٹر سٹی ‘برنلے فٹبال کلب  کے منیجرز کرونا کا شکار

لاہور(سپورٹس ڈیسک ) مانچسٹر سٹی فٹ بال کلب کے منیجر پیپ گارڈیولا اور برنلے فٹ بال کلب کے سربراہ سین ڈیشے کے کرونا ٹیسٹ مثبت آگئے ہیں ‘وہ ایف اے کپ کے تیسرے رائونڈسے باہر ہوگئے ہیں ۔ مانچسٹر سٹی کے پچاس سالہ سپینش باس اور ان کے اسسٹنٹ جوانمالیلو کے کرونا وائرس ٹیسٹ مثبت آئے ہیں ۔ دونوں کو ان اکیس افراد کیساتھ قرنطینہ میں بھیج دیا گیا ہے جو پہلے متاثر ہوئے تھے ۔ ڈیشے کل ہڈرز فیلڈ کیخلاف میچ میں شریک نہیں ہوسکیں گے ۔ انہیں بھی قرنطینہ میں بھیج دیا گیا ہے ۔ دونوں کلبوں نے کرونا وائرس کے باعث میچز ملتوی کرنے کی طرف کوئی اشارہ نہیں دیا ہے ۔