میلسی(نامہ نگار )شوہر کا پیچھا کرتے ہوئے خواجہ سراؤں کے اڈے پر آ جا نے والی بیوی کو شوہر نے ساتھی کے ہمراہ تشدد کا نشانہ بنا تے ہو ئے زخمی کر دیا۔ بتایا گیا ہے کہ وسیم کوٹ موضع کوٹ مظفر کا رہائشی عبدالعزیز ارائیں ایک نامعلوم لڑکی کو اپنے ہمراہ لے کر کالونی چوک میلسی شہر میں قائم خواجہ سراؤں کے اڈے پر عیاشی کی نیت سے پہنچا کہ اس دوران شوہر کا تعاقب کر تے ہوئے اس کی اہلیہ چندا بی بی بھی وہاں پہنچ گئی اور اپنے شوہر کو رنگے ہاتھوں پکڑ لیا ۔جس پر عبدالعزیز ارائیں نے اپنے ساتھی کے ہمراہ چندا بی بی پر حملہ کر کے اسے زخمی کر دیا جبکہ نامعلوم خواجہ سرا نے چندا بی بی کے ناک کی سونے کی کیل۔اور طلائی بالیاںنوچ لیں۔سٹی  پولیس نے مقدمہ درج کر لیا۔