شادی سے پہلے میگھن کے قابل اعتراض مناظر دیکھنا غلطی: شہزادہ ہیری 

لندن (نوائے وقت رپورٹ) برطانوی شہزادہ ہیری نے کہا ہے کہ شادی سے قبل میگھن کے ٹی وی سیریل کے قابل اعتراض مناظر دیکھنا غلطی تھی۔ ڈیوک آف سسیکس شہزادہ ہیری کی سوانح عمری ’اسپیئر‘ 10 جنوری کوشائع ہو رہی ہے لیکن اس سے قبل ہی برطانوی اخبار اس کتاب میں کیے جانے والے انکشافات سامنے لا رہا ہے۔ برطانوی اخبار گارجین نے دعویٰ کیا ہے کہ اس نے شہزادہ ہیری کی سوانح عمری 'اسپیئر ' کی پیشگی کاپی دیکھی ہے۔ اب برطانوی شہزادہ  ہیری کا اپنی اہلیہ میگھن مارکل کے حوالے سے کتاب میں کئے جانے والا انکشاف سامنے آیا ہے۔ رپورٹس کے مطابق برطانوی شہزادے ہیری نے  اسپیئر میں اپنی اہلیہ میگھن مارکل کے ٹی وی ڈراما سیریل  Suits The کے قابل اعتراض سین دیکھنے کا اعتراف کیا ہے۔ شہزادہ ہیری کے مطابق میگھن مارکل سے ڈیٹنگ کے ابتدائی دنوں میں انہوں نے ان قابل اعتراض مناظر کو گوگل پر سرچ کیا، جس پر انہیں پچھتاوا ہے۔ انہوں نے اسے اپنی بڑی غلطی قرار دیتے ہوئے کتاب میں انکشاف کیا کہ ان مناظر کو ذہن سے نکالنے کے لئے  انہوں نے مذاقاً خود کو الیکٹرک شاک دیئے۔