گولڈن جوبلی تقریبات،  سیکرٹری سینیٹ کی غیرملکی  سفیروں سے ملاقاتوں کا سلسلہ جاری

اسلام آباد(نا مہ نگار)چیئرمین سینیٹ محمد صادق سنجرانی کی ہدایت پر سینیٹ کی گولڈن جوبلی تقریبات کی تیاریوں کے حوالے سے سیکرٹری سینیٹ  محمد قاسم صمد خان کی جانب سے مختلف دوست ممالک کے سفیروں سے ملاقاتوں کا سلسلہ جاری ہے۔  بروز جمعہ پارلیمنٹ ہاس میں جرمنی اور الجزائر کے سفرا نے سیکریٹری سینیٹ سے ملاقات کی۔ سیکرٹری سینیٹ نے درخواست کی کہ سفرا اپنے ممالک کی پارلیمان کے سربراہان کی گولڈن جوبلی تقریبات میں شرکت کو یقینی بنانے کیلیے اپنا بھرپور کردار ادا کریں۔ انہوںکہ پاکستان کی پارلیمانی تاریخ کا  یہ سنگ میل انتہائی اہمیت کا حامل ہے اور اسکی تقریبات میں دوست ممالک کی شرکت پاکستانی حکومت اور عوام کیلئے قابل مسرت ہوگی۔ سفرا نے تقریبات کے سلسلے میں اپنے بھرپور تعاون کی یقین دھانی کرائی اور اس حوالے سے سینیٹ سیکرٹریٹ کی جانب سے کی جانے والی کوششوں کو سراہا۔