الحمراء نے کلاسیکل موسیقی کے فروغ میں بڑھ چڑھ کر کردار ادا کیا :ذوالفقار علی زلفی

لاہور(کلچرل رپورٹر)لاہور آرٹس کونسل الحمراء نے سال کے آغاز پر کلاسیکل میوزک پروگرام ’’لاگے تْو سے نین‘‘ کا انعقاد کرے گا۔ ایگزیکٹو ڈائریکٹر الحمراء ذوالفقار علی زلفی کی زیر صدارت اجلاس میں تیاریوں کا جائزہ کیا گیا۔ ’’لاگے تْو سے نین‘‘ میں نامور کلاسیکل گلوکار شفقت علی خان پروفارم کریں گے۔ ذوالفقار علی زلفی نے بتایا کہ الحمراء نے کلاسیکل موسیقی کے فروغ میں ہمیشہ بڑھ چڑھ کر اپنا کردار ادا کیا ہے۔ اجلا س میں ڈپٹی ڈائریکٹر ایڈمن آفتاب احمد انصاری، ڈپٹی ڈائریکٹرآرکائیو،لابریری محمد عارف، ڈپٹی ڈائریکٹر پبلک ریلیشنز صبح صادق، اسسٹنٹ ڈائریکٹر ایڈمن خرم نویل اور اسسٹنٹ ڈائریکٹر فائن آرٹ منیٰ ہارون نے شرکت کی۔ترجمان الحمراء صبح صادق کے مطابق کلاسیکل موسیقی کا پروگرام ’’لاگے تْو سے نین‘‘ 11 جنوری 2023ء کو شام 6بجے ہال نمبر 2 میں پیش کیا جائے گا۔