مریم نواز کا جنیوا میں گلے کے  دو گلینڈز کا آپریشن کردیا گیا

جنیوا (آئی این پی) پاکستان مسلم لیگ (ن) کی سینئر نائب صدر مریم نواز کا سوئٹزرلینڈ کے شہر جنیوا میں گلے کا آپریشن کردیا گیا۔ فیملی ذرائع کے مطابق مریم نواز کے گلے کے دو گلینڈز کا آپریشن کیا گیا جو کامیاب رہا۔ ان کے گلے کے گلینڈز کا آپریشن تین گھنٹے  جاری رہا۔ فیملی ذرائع کا کہنا ہے کہ مریم نواز کو آپریشن کے بعد ان کے کمرے میں شفٹ کردیا گیا ہے۔ خیال رہے کہ گزشتہ دنوں نواز شریف اور مریم نواز  جنیوا پہنچے تھے۔ جنیوا میں مقیم معالج سے نواز شریف کی ملاقات بھی متوقع ہے۔