لاہور ( سپورٹس رپورٹر) پاکستان سپر لیگ کے دوران پاکستان ویمنز لیگ کیلئے آزمائشی میچز کرانے کی منصوبہ بندی کی جارہی ہے۔ذرائع کے مطابق لاہور قلندرز اور کراچی کنگز سمیت3 فرنچائزز ویمن ٹیمیں بنائیں گی اور آزمائشی طور پر 5 میچز کرائے جاسکتے ہیں۔ذرائع کا کہنا ہے کہ ٹیسٹ رن کیلئے فرنچائزز میچز کے اخراجات برداشت کریں گی۔ 5ٹیسٹ رن میچوں کے تجربے کی روشنی میں اس سال ستمبر، اکتوبر میں پاکستان ویمنز لیگ کرائے جانے کی تجویز دی گئی ہے۔