گوجرانوالہ(نمائندہ خصوصی) چیئرمین گیپکو بورڈ آف ڈائریکٹرز محمد شعیب بٹ نے کہا ہے کہ گیپکو نے اپنی کارکردگی کو ہمیشہ نمایاں رکھا جس کا سہرا اسسٹنٹ لائن مین سے لیکر چیف ایگزیگٹو تک کے سرہے اور گیپکو بورڈ کمپنی ملازمین کی فلاح وبہبود کی خاطر اپنے حصے کا کام کررہاہے اور کرتا رہے گا۔ ہمارے قائد میاں نواز شریف کا دل عوام کے دلوں کے ساتھ دھڑکتا ہے، اپنی پاکستانی عوام کو مصیبت اور پریشانی میں دیکھ کر انکا دل رنجیدہ ہوجاتاہے، ان خیالات کا اظہار انہوں نے گیپکو کے انجینئرز کی طرف سے منعقدہ  تقریب سے خطاب کرتے ہوئے کیا۔ اس موقع پر چیف ایگزیکٹو گیپکو انجینئر جام محمد ایوب نے کہا کہ انجینئرز معاشرے میں بلاشبہ ریڈھ کی ہڑی کی حیثیت رکھتے ہیں، صارفین گیپکو ہمارے لئے انتہائی محترم ہیں انکے ساتھ شائستگی سے پیش آناہمارا فرض ہے۔ انجینئرز کے نمائندگان  نے  کہا کہ ہم گزارش کرتے ہیں کہ ہمارے سروس اسٹرکچر پر بھی نظرثانی فرمائی جائے اور ساتھ ہی اپ گریڈیشن اور پروموشن بورڈز کے جلد انعقاد کی درخواست کو بھی منظور کیا جائے۔ تقریب   میں نقابت کے فرایض  انجینئر مجاہد عباس نے انجام دیا۔