دورہ آسٹریلیا‘ ویمنز ٹی ٹوئنٹی ورلڈ کپ‘ قومی اسکواڈ برسبین روانہ

کراچی(اسپورٹس رپورٹر)دورہ آسٹریلیا اور آئی سی سی ویمنز ٹی ٹوئنٹی ورلڈ کپ کے لیے پاکستان ویمن کرکٹ ٹیم دبئی کے راستے برسبین روانہ ہوگئی، غلام فاطمہ والد کی علالت کے سبب آخری وقت میں دستبردار ہوگئیں ، ان کی جگہ ٹریولنگ ریزرو کھلاڑی طوبی حسن اسکواڈ کا حصہ بن گئیں، بسمہ معروف پاکستان ویمن ٹیم کی دونوں اسائنمنثس میں قیادت کررہی ہیں،ون ڈے سیریز کے لیے کپتان بسمہ معروف ،عالیہ ریاض،عائشہ نسیم،ڈیانا بیگ،فاطمہ ثنا ،کائنات امتیاز ،منیبہ علی،نشرہ سندھو،ندا ڈار،عمیمہ سہیل،صدف شمس،سعدیہ اقبال،سدرا امین اورسدرا نواز جبکہ ٹریولنگ ریزروز میں ایمن انور اور جویریہ خان  شامل ہیں،  ٹی ٹونٹی اسکواڈ میں کپتان بسمہ معروف،ایمن انور،(باقی صفحہ5پر)
 عالیہ ریاض ،عائشہ نسیم ،ڈیانا بیگ ،فاطمہ ثنا اور جویریہ خان،منیبہ علی ،ندا ڈار،عمیمہ سہیل،نشرہ سندھو،سعدیہ اقبال ،سدرا امین ، سدرا نواز اور طوبی حسن شامل ہیں، کائنات امتیاز اور صدف شمس ریزرو کھلاڑی ہوں گی،دورہ آسٹریلیا میں ون ڈے میچز 16 ، 18 اور 21جنوری کو کھیلے جائیں گے جبکہ ٹی ٹونٹی میچز 24،26اور 29جنوری کو ہوں گے،10تا 26فروری کھیلے جانے والے آئی سی سی ٹی ٹونٹی ورلڈ کپ میں پاکستان ٹیم 12 فروری کو اپنا پہلا میچ بھارت کے خلاف میچ کھیلے گی، پندرہ کو آئر لینڈ ،19فروری کو ویسٹ انڈیز اور 21فروری کو انگلینڈ سے میچ طے ہے۔