قصور: اے ایس آئی کے عہدے پر ترقی پانیوالے افسروں کو بیجز لگانے کی تقریب

قصور (نمائندہ نوائے وقت)ڈی پی اوآفس میں اے ایس آئی کے عہدے پر ترقی پانے والے 10 پولیس افسروں کو بیجز لگانے کی تقریب کا انعقاد ہوا۔ مختلف یونٹس کے 10 ہیڈ کانسٹیبل کو اے ایس آئی کے عہدے پر ترقی دی گئی، ڈی پی او قصور اور انچارج سی آئی اے نے پولیس افسروں کو بیجز لگائے ترقی پانیوالوں میں محمد صغیر ، محمد امجد، ملک منور حسین، محمد طفیل، محمد اقبال، مبارک علی، عبدالغنی، محمد اصغر، کرامت علی اور عطا محمد شامل ہیں۔ ڈی پی او قصور سید عمران کرامت بخاری کا کہنا ہے کہ پرموٹ ہونیوالے افسر سائلین کو عزت اور انصاف دیں، بہترین صلاحیتوں کو بروئے کار لاتے ہوئے شہریوں کیلئے آسانیاں پیدا کرینگے۔