:پنجاب بھرمیں 871ٹریفک حادثات میں 05افراد جاں بحق اور915زخمی ہوگئے۔ترجمان کے مطابق پنجاب ایمرجنسی سروس نے گز شتہ 24گھنٹوں کے دوران صوبہ بھر میں 871ٹریفک حادثات پر ریسپانڈ کیا جن میں 477افراد شدید زخمی ہوگئے جنہیں فوری طور پر نزدیکی ضلعی و تحصیل ہسپتالوں میں منتقل کیا گیا جبکہ438معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی جس سے ہسپتالوں پر بوجھ بھی کم ہوا،ان حادثات میں زیادہ تر تعداد (68فیصد)موٹر سائیکلز حادثات کی ہے لہذا وقت کی ضرورت ہے کہ روڈ ٹریفک حادثات کی بڑھتی ہوئی شرح کم کرنے کے لیے ٹریفک قوانین پر سختی سے عمل کیا جائے۔ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 444ڈرائیورز،کم عمرڈرائیور24،مسافر370اور106پیدل چلنے والے افراد متاثر ہوئے۔ترجمان کے مطابق194ٹریفک حادثات کی فون کالز لاہور کنٹر ول روم میں موصول ہوئیں، جن میں صوبائی درالحکومت187متاثرین کے ساتھ پہلے ،ملتان74حادثات میں 79متاثرین کے ساتھ دوسرے اور گوجرانوالہ56حادثات میں 58متاثرین کے ساتھ تیسرے نمبرپررہا۔