اٹک(نوائے وقت رپورٹ) خیبر پی کے، کے ضلع اٹک میں پی ٹی آئی سے تعلق رکھنے والے ایک ہی خاندان کے چار افراد کے کاغذات نامزدگی منظور کر لیے گئے۔ ذرائع کے مطابق اٹک کے قومی اور صوبائی حلقہ سے والد، والدہ، بیٹا اور بیٹی کے کاغذات نامزدگی منظور کر لیے گئے۔ حلقہ این اے 49 اٹک ون سے پی ٹی آئی کے رہنما میجر(ر) طاہر صادق، حلقہ این اے 50 اٹک ٹو سے پی ٹی آئی کی امیدوار ایمان طاہر کے کاغذات نامزدگی منظور کر لیے گئے۔ ذرائع کے مطابق صوبائی حلقہ پی پی 2 سے ناز طاہر کے کاغذات نامزدگی منظور جبکہ میجر طاہر صادق کے بیٹے زین الٰہی کے پی پی 3 سے کاغذات منظور کیے گئے ہیں۔ ایمان طاہر پی ٹی آئی رہنما(ر) میجر طاہر صادق کی بیٹی اور ناز طاہر میجر طاہر صادق کی اہلیہ ہیں، چاروں کے کاغذات نامزدگی الیکشن ٹریبونل نے منظور کیے۔