آئی ایل ٹی 20 سیزن 2 کیلئے سپر سب اور وائلڈ کارڈ متعارف

 لاہور(سپورٹس رپورٹر ) انٹرنیشنل لیگ ٹی 20 نے سیزن 2 کیلئے سپر سب اور وائلڈ کارڈ متعارف کرا دیا ہے۔ ہر ٹیم کے پاس اننگز کا پہلا اوور مکمل ہونے کے بعد میچ کے کسی بھی مرحلے پر ایک کھلاڑی کو متبادل بنانے کا آپشن ہوگا۔ اگر ٹیم چاہے تو سپر سب کو دوسری اننگز کے آغاز سے ہی متعارف کرایا جاسکتا ہے۔ ہیڈ کوچ سپر سب کو چوتھے امپائر کیلئے نامزد کریگا اور فیلڈ امپائرسکوررز سپر سب متعارف کرانے کیلئے اشارہ کریگا۔ سپرسب میچ کے آغاز کے بعد یا ایک اوور مکمل ہونے کے بعد یا کسی بیٹر کی صورت میں، وکٹ گرنے یا اوور کے دوران کسی بھی وقت ریٹائر ہونے والے بیٹر کی صورت میں متعارف کرایا جاسکتا ہے۔ بائولنگ ٹیم وکٹ گرنے پر سپر سب کا استعمال بھی کرسکتی ہے لیکن اگر وکٹ درمیان میں گرگئی ہو تو سپر سب کو اس اوور میں بقیہ گیندیں پھینکنے کی اجازت نہیں ہوگی۔ہر فرنچائز کو اپنے سکواڈ میں 22 کھلاڑیوں کی اصل حد سے زیادہ دو اضافی کھلاڑیوں کو شامل کرنے کی اجازت ہے۔ یہ ایک آپشن ہے لازم نہیںوائلڈ کارڈ کھلاڑی سیزن کے دوران کسی بھی مرحلے آئی ایل ٹی 20 میں آسکتے ہیں۔ وائلڈ کارڈ پلیئرز کی جگہ مزید متبادل یا وائلڈ کارڈ پلیئرز لانے کے اہل نہیں ہوں گے۔یواے ای کا ٹی 20 ٹورنامنٹ19 جنوری کو شارجہ میں دفاعی چیمپیئن گلف جائنٹس اور شارجہ واریئرز کے درمیان مقابلے کیساتھ شروع ہوگا۔