کھاریانوالہ  (نمائندہ خصوصی) کھاریانوالہ کی نواحی آبادی فیروز وٹواں میں جوتوں کی دکان میں گھس کر2مبینہ ڈاکوؤں کی لوٹ مار،2مبینہ ڈاکو دوبدوفائرنگ میں مارے گئے۔ بھکھی پولیس کے مطابق دو مسلح ڈاکو دن دیہاڑئے محمد وقاص اکرم کی جوتوں کی دکان میں گھس گئے اوراسلحہ کی نوک پر نقدی چھین کرفرار ہوئے تو دکاندار کے شور مچانے پر دیگردکانداروں نے پولیس کو اطلاع کردی پولیس اورمکینوں نے فرار ہونے کی کوشش کرنے والے ڈاکوؤں کا گھیراؤ کیا تو مسلح موٹرسائیکل سوار ڈاکوؤں نے پولیس پارٹی پر اندھا دھندفائرنگ کردی دوبدو فائرنگ کے نتیجہ میں ایک مبینہ ڈاکو موقع پر ہی ہلاک ہوگیا اور  ساتھی ڈاکو ہسپتال میں منتقل کرنے کے دوران ہلاک ہوگیا،ہلاک ہونے والے ڈاکوؤں کے قبضہ سے پستول،گولیاں،  مال مسروقہ برآمد ہوا ہے جن کی شناخت ندیم عرف دیمی اورکاشف عرف کاشی کے نام سے ہوئی ہے جو ڈکیتی چوری رہزنی کے متعدد واقعات میں پولیس کو مطلوب تھے۔