میکسیکو میں چھوٹا طیارہ گر کر تباہ، 4افراد ہلاک ہوگئے

میکسیکوسٹی (این این آئی)میکسیکو میں ایک چھوٹا طیارہ گر کر تباہ ہوگیا جس کے نتیجے میں طیارے کے پائلٹ سمیت 4افراد ہلاک ہوگئے ۔راموس ایریزپے سول پروٹیکشن اینڈ فائر ڈپارٹمنٹ کے ذرائع نے میڈیاکو بتایاکہ امریکہ میں ایک سنگل انجن چھوٹا طیارہ میکسیکو کے سرحدی شہر ماتاموروس سے ٹامولیپاس جاتے ہوئے گر کر تباہ ہوگیا ۔انہوں نے بتایاکہ طیارے میں پائلٹ انتونیو ایویلا سمیت 3خواتین سوار تھیں جن کی موت کی تصدیق ہوگئی ہے۔انہوں نے بتایا کہ سول ایروناٹکس ڈائریکٹوریٹ کی جانب سے حادثے کی وجہ کا تعین کرنے کے لیے جائے حادثہ کو گھیرے میں لے لیا گیا ہے۔