سول ایوی ایشن کی ائرپورٹس پرمسافروں کی کویڈاسکریننگ کی ہدایات جاری

راولپنڈی (سٹاف رپورٹر)کئی ممالک میں کویڈ-19 کیسز میں اضافہ کے بعد پاکستان سول ایوی ایشن نے ملکی ائرپورٹس پر اسکریننگ کی ہدایات جاری کر دیں، تمام بین الاقوامی فلائیٹس کے دو فیصد مسافروں کی اسکریننگ کے احکامات فوری نافذ العمل ہوں گے، ملک کے بڑے ائرپورٹس پر این سی او سی ہدایات کے بعد مسافروں کی کویڈ-19 اسکریننگ بتدریج شروع ہو چکی ہے ،ہر فلائٹ کے دو فیصد مسافروں کا ریپڈ اینٹیجن ٹیسٹ ہوگا،ایدن میں کم سے کم ایک مرتبہ مسافر لاونجز میں فیومیگیشن کرنے کی بھی ہدایت جاری کر دی گئی،ترجمان سی اے اے کے مطابق ایئرپورٹس پر عملہ کو بارڈر ہیلتھ سروسز اہلکاروں کو ہرممکن تعاون فراہم کرنے کی ہدایات دی گئیں ہیں۔