مری میں خیرہ گلی کے قریب مسافر وین کھائی میں گرنے سے تین افراد جاں بحق اوردس سے زائد زخمی ہوگئے ۔ یہ حادثہ رات گئے پیش آیا جب نتھیا گلی کی جانب سے مری آنیوالی مسافریہ وین خیرہ گلی کے قریب موڑ کاٹتے ہوئے نیچے گہری کھائی میں جاگری ، اس حادثے کے نتیجے میں تین افراد موقع پرہی دم توڑ گئے جبکہ دس سے زائد زخمی ہوئے ۔ جاں بحق ہونیوالوں میں سید وقارحسین کا تعلق اسلام آباد جبکہ ندیم چودھری اورخلیل حسین کا جہلم سے ہے ۔ واقعہ کی اطلاع ملنے پرمقامی پولیس موقع پرپہنچ گئی ، ہلاک اورزخمیوں کو خیرہ گلی کے ہسپتال منتقل کردیا گیا ہے ۔