لاہور(سپورٹس رپورٹر) سری لنکا کے خلاف پانچ ایک روزہ میچوں کی سیریز میں حصہ لینے کے لئے قومی کرکٹرز شعیب ملک، مختار احمد، ایم رضوان، بلال آصف، عماد وسیم، ایم عرفان اور انور علی شامل پیر اور منگل کی درمیانی شب کولمبو کے لئے روانہ ہو گئے۔ روانگی سے قبل عماد وسیم اور بلال آصف نے توقع ظاہر کی کہ اگر موقع ملا تو وہ بھرپور کارکردگی کا مظاہرہ کرتے ہوئے اپنے انتخاب کو درست ثابت کرنے کی کوشش کرینگے۔