لاہور(نمائندہ سپورٹس+سپورٹس رپورٹر)قومی کیوئسٹ محمد سجاد ایشین 6 ریڈ سنوکر چیمپئن شپ جیتنے کے بعد وطن واپس پہنچ گئے۔ کراچی ایئرپورٹ پر مداحوں کی بڑی تعداد نے ان کا بھرپور استقبال کیا۔محمد سجاد نے ہانگ کانگ کے لی چن کو شکست دیکر سکس ریڈ کا ٹائٹل اپنے نام کیا تھا۔ کراچی ائیرپورٹ پر محمد سجاد اور دیگر کھلاڑیوں کا پرتپاک استقبال کیا گیا۔ قومی کھلاڑیوں کو پھولوں کے ہار بھی پہنائے گئے۔ محمد سجاد نے ورلڈ ٹائٹل جیتنے کے عزم کا اظہار کیا۔ محمد سجاد نے حکومت سے کرکٹ کی طرح سنوکر کے کھیل کی سرپرستی کرنے کا مطالبہ بھی کیا ہے۔