بھکر (نامہ نگار) ایم ایم روڈ پر تیز رفتار مسافر بس ٹرک سے ٹکراگئی۔4 افراد موقع پرجاں بحق جبکہ 15زخمی ہو گئے۔ راولپنڈی سے لیہ جانے والی مسافر بس تیز رفتاری کے باعث فاضل کے قریب سامنے سے آنے والے ٹرک سے ٹکرا گئی جس کے نتیجہ میں4افراد موقع پر جاں بحق ہو گئے جاں بحق ہونیوالوں میں مسافر'ٹرک ڈرائیور'کنڈکٹر شامل ہیں۔ زخمیوں کو مقامی ہسپتال کلورکوٹ منتقل کردیاگیا جبکہ 3 شدید زخمی مسافروں کوملتان نشترہسپتال ریفرکیاگیا۔