نوابشاہ:دوویگنوں اورکار میں تصادم 15 مسافرجاں بحق25 زخمی

نواب شاہ (نامہ نگار+ اے این این+ سنہوا) نواب شاہ میں دوڑ روڈ پر مسافر کوچ، وین اور کار میںتصادم سے 15جاں بحق اور 25زخمی ہوگئے۔ پولیس اور ریسکیو ٹیموں نے زخمیوں کو پیپلز ہسپتال منتقل کردیا، تفصیلات کے مطابق نواب شاہ میں دوڑ روڈ پر مسافر کوچ، وین اور کار میں تصادم ہوا، واقعے کی اطلاع ملتے ہی پولیس اور ریسکیو ٹیمیں جائے حادثہ پرپہنچ گئیں اور امدادی کارروائیاں شروع کردیں۔پولیس کے مطابق حادثے میں 15 مسافر جاں بحق اور 25 زخمی ہوگئے، زخمیوں اور لاشوں کو پیپلز میڈیکل ہسپتال منتقل کردیا گیا۔سندھ کے نگران وزیراعلی نے نوابشاہ ٹریفک حادثے پر اظہار افسوس کرتے ہوئے جاں بحق افراد کے لواحقین سے اظہار ہمدردی کی اور زخمی ہونے والوں کو ہسپتال میں بہتر سہولیات دینے کی ہدایت کی ہے۔ متعدد زخمیوں کی حالت تشویشناک ہے جس سے ہلاکتوں میں اضافے کا خدشہ ہے۔