تین موٹر سائیکل سوار ڈاکوتین شہریوں سے لاکھوں روپے،موبائل فون لوٹ کر فرار

راولپنڈی (اپنے سٹاف رپورٹر سے) ڈکیتی چوری کی وارداتوں میں شہری لٹ گئے تھانہ بنی کو خرم شہزاد نے بتایا کہ نیو پھگواڑی میں تین موٹر سائیکل سوار ڈاکو مجھ سے ڈیڑھ لاکھ روپے کی نقدی ، موبائل فون ، ملک اختر سے30 ہزار روپے اور ملک کاشف سے24 ہزار روپے لوٹ کر فرار ہوگئے تھانہ نیو ٹائون کو بابر نے بتایا کہ میری کار چوری ہوگئی تھانہ ائرپورٹ کو اظہر نے بتایا کہ میری ملک شاپ سے دو موٹر سائیکل سوار ڈاکو 71 ہزار روپے کی رقم اور موبائل فون چھین کر لے گئے تھانہ وارث خان کو اقبال نے بتایا کہ میری بولان گاڑی چوری ہوگئی تھانہ بنی کو بلال نے بتایا کہ میری بیکری میں تین مسلح ڈاکو داخل ہوئے اور 40 ہزار روپے اور موبائل فون لوٹنے کے بعد گاہکوںوقاص سے موبائل ، عمر دراز سے36 ہزار روپے اور موبائل فون لوٹنے کے بعد موٹر سائیکل پر فرار ہوگئے تھانہ کینٹ کو ساجد نے بتایا کہ میری بولان گاڑی چور لے گئے تھانہ رتہ امرال کو رفیق نے بتایا کہ میرا موٹر سائیکل چوری ہوگیا تھانہ رتہ امرال کو سفیر نے بتایا کہ ریلوے ہسپتال سے میرا موٹر سائیکل چوری ہوگیا