اسلام آباد(صباح نیوز) وفاق نے کراچی کے تین ہسپتا لوں کو چلانے سے انکار کرتے ہوئے سندھ حکومت کو واپس دینے کا فیصلہ کیا ہے۔ نجی ٹی وی کے مطابق وفاق نے کراچی کے تین بڑے ہسپتالوں کو چلانے سے معذوری ظاہر کردی، وفاق نے کراچی کے تین بڑے ہسپتا ل جن میں جناح ہسپتا ل، این آئی سی وی ڈی اور این آئی سی ایچ کو چلانے سے انکار کرتے ہوئے سندھ حکومت کو واپس دینے کا فیصلہ کیا ہے۔وفاقی کابینہ کی کمیٹی نے بتایا کہ درکار بجٹ دستیاب نہیں، کراچی کے تین بڑے ہسپتا ل نہیں چلاسکتے، سندھ حکومت کو موقع دیا جائے کہ وہ کراچی کے تین ہسپتا لوں کی واپسی کے لیے نظرثانی درخواست دائر کرے۔کراچی کے تین بڑے سرکاری ہسپتا لوں کی منتقلی کے معاملے پر مشیر اطلاعات سندھ مرتضی وہاب نے رد عمل دیتے ہوئے کہا کہ فیصلے سے ثابت ہوگیا کہ کراچی کے عوام سے نیازی سرکار کو کوئی سروکار نہیں۔