اسلام آباد (وقائع نگار) چیئرمین سی ڈی اے کی ہدایت پر ڈائریکٹر جنرل انوائرمنٹ سمیت متعدد افسران کے تبادلوں کے احکامات جاری کردئیے گئے ہیں گزشتہ روز شعبہ ایچ آر ڈی سے جاری ہونے والے نوٹفیکیشن کے مطابق گریڈ 19کے ڈائریکٹرجنرل انوائرمنٹ نوید ترین کو ڈی جی انوائرمنٹ سے تبدیل کرکے ڈائریکٹرجنرل ایچ آر ڈی تعینات کردیا گیا ہے جبکہ ڈائریکٹر پارکس کے عہدے پر کام کرنے والے سی ڈی اے گریڈ 19کے افسر عرفان خان نیازی کو ڈائریکٹرجنرل انوائرمنٹ کا عارضی چارج دے دیا گیا ہے علاوہ ازیں ڈائریکٹرریجنل کے طور پر کام کرنے والے گریڈ 19کے رانا طاہر کو تبدیل کرکے ڈائریکٹر ای پی سی ماڈل فاریسٹری پارک ملپور تعینات کردیا گیا ہے جبکہ سی ڈ ی اے کے ہی گریڈ 18کے افسر رانا کاشف نذیر کو ڈائریکٹر نرسری سے تبدیل کرکہ ڈائریکٹر ریجنل تعینات کردیا گیا ہے چیئرمین کی منظوری کے بعد ان تبادلوں کے احکامات جاری کردئیے گئے ہیں ۔