ایم ایم عالم کی حربی اڑانوں نے دنیا کو  حیرت میں مبتلا کر دیاتھا:حیات شاہ کھگہ

کرم پور(نامہ نگار)مرکزی چئیرمین محبان وطن پاکستان پیر میاں محمد حیات شاہ کھگہ نے کہا ہے کہ ہیرو روز روز پیدا نہیں ہوتے مگر ان کے نقش قدم پر چل کر ان جیسے کارنامے ممکن ہیں اور یہی پاک  فضائیہ کے ہیرو ایم ایم عالم  نے 1965کی پاک بھارت جنگ میں کیا سرگودھا کے محاذ پر ایک ڈاک فائیٹ کے دوران پانچ انڈین ہنٹرجنگی طیارے ایک منٹ میں مار گرائے جن میں چار 30 سیکنڈز میں گرائے اور عالمی ریکارڈ قائم کرتے ہوئے فتح کی بنیاد رکھی انہوں نے کہا کہ جنگوں کی فتح کا انحصار ایسے ہیروز پر ہوتا ہے ان کی باکمال حربی اڑانوں نے بھارت کیا پوری دنیا کو ورطہء حیرت میں مبتلا کر دیا ۔