بختیار آباد(نامہ نگار) بختیار آباد کے نزدیک نیشنل ہائی وے پر ویگو گاڑی اور مزدا ٹرک کے درمیان حادثہ پیش آیا۔ حادثے کے نتیجے میں ڈالے میں سوار دو افراد شدید زخمی ہو گئے۔ اطلاع ملتے ہی ہائی وے پولیس اور 1122 کے عملے نے موقع پر پہنچ کر زخمیوں کو گاڑی سے نکالا۔ 1122 بختیار آباد کے عملے نے موقع پر پہنچ کر زخمیوں کو طبی امداد دینے کے بعد سول ہسپتال ڈیرہ مراد جمالی منتقل کر دیا گیا۔ واضح رہے کہ زخمیوں کا تعلق جعفرآباد کے علاقے اوستہ محمد سے ہے جو کہ ویگو گاڑی میں کوئٹہ سے اوستہ محمد جا رہے تھے کہ نیشنل ہائی وے بختیار آباد کے مقام پر مخالف سمت سے آنے والی مزدا ٹرک سے ٹکرا گئی۔