انٹر پارٹ ون اور میٹرک کے ایک پریکٹیکل کی نئی تاریخوں کا اعلان

گوجرانوالہ(نمائندہ خصوصی) تعلیمی بورڈ نے عید الفطر اور ضمنی الیکشن کی وجہ سے انٹر پارٹ ون کے پرچوں اور میٹرک کے ایک پریکٹیکل کی نئی تاریخوں کا اعلان کردیا ہے۔ 8 جولائی کو ملتوی ہونے والا میٹرک کیمسٹری کا پریکٹیکل اب 23 جولائی کو ہوگا۔ امیدواروں کو پہلے سے جاری شدہ پریکٹیکل کی سلپس پر درج وقت اور لیبارٹریز میں ہوگا۔ امیدواروں کو ترمیم شدہ پریکٹیکل سلپس جاری کی جائیں گی۔ اسی طرح انٹر پارٹ ون کے ترمیم شدہ پرچوں کا بھی شیڈول جاری کردیا گیاہے۔جس کے مطابق 8 جولائی کو ہونے والا ہیسٹری(آل آپشنز)کا پرچہ 29 جولائی کو صبح ساڑھے 8 بجے ہوگا۔ اور 8 جولائی کو ہی ہونے والا آٹ لائنز آف ہوم اکنامکس کا پرچہ 29 جولائی کو دوپہر اڑھائی بجے ہوگا۔ 16 جولائی کو ہونے والا سوکس، بزنس میتھ(کامرس)کا پرچہ 27 جولائی کو صبح ساڑھے 8 بجے ہوگا۔ 16 جولائی کو ہونے والے فائن آرٹس(تھیوری)لباس اور پارچہ جات بافی(ہوم اکنامکس گروپ) 27 جولائی کو دوپہر ڈیڑھ بجے ہوگا۔ 18 جولائی کو فرسٹ گروپ کو ہونے والا انگریزی لازمی کا پرچہ 28 اور 18 جولائی کو ہونے والا سکینڈ ٹائم کا پرچہ اب 28 جولائی کو دوپہر ڈیڑھ بجے ہوگا۔