موسمِ گرما میں برطانیہ جانے کے خواہشمند ویزا درخواستیں جمع کرا دیں: کرسچن ٹرنر

اسلا م آبا د (خصو صی نامہ نگار)پا کستان میں تعینا ت برطانوی ہائی کمشنر کرسچن ٹرنر نے کہا ہے کہ موسمِ گرما میں برطانیہ جانے کے خواہش مند پاکستانی فوری طور پر ویزا درخواستیں جمع کرا دیں۔تفصیلا ت کے مطابق پاکستان میں تعینات برطانوی ہائی کمشنر کرسچن ٹرنر نے سماجی رابطے کی ویب سائٹ ٹویٹر پری ویڈیو بیان میں ویزا میں تاخیر کی وجہ بتاتے ہوئے کہا ہے کہ عالمی وباءکورونا وائرس اور روس اور یوکرین کے مابین جنگ کے باعث ویزا کے حصول میں تاخیر کا سامنا ہے۔انہوں نے کہا کہ کورونا کی عالمی وباء کے بعد اب حالات معمول پرآ رہے ہیں، 2 سال کی سخت پابندیوں کے بعد اب دنیا بھر سے ویزا درخواستیں بڑی تعداد میں موصول ہو رہی ہیں۔کرسچن ٹرنر نے کہا کہ یوکرین کی صورتِ حال کے بعد وہاں کے شہریوں کو زیادہ تعداد میں ویزے دیے جا رہے ہیں جس کے باعث دیگر تمام ممالک پر دباو¿ بڑھ رہا ہے اسی سبب ویزے کا حصول تعطل کا شکار ہے۔انہوں نے مزید کہا کہ ہر سال موسمِ گرما کی چھٹیوں میں تقریباً 5 لاکھ پاکستانی برطانیہ جاتے ہیں، آئندہ سال موسمِ گرما میں برطانیہ جانے کے خواہش مند افراد فوری طور پر ویزا درخواستیں جمع کرائیں۔برطانوی ہائی کمشنر نے کہا کہ پاکستان سمیت دنیا بھر میں ویزے کے حصول میں تاخیر کا سامنا ہے، جس سے نبرد آزما ہونے کے لیے اضافی اسٹاف تعینات کیا گیا ہے۔انہوں نے پریشانی سے محفوظ رہنے کے لیے سیاحوں اور طلباءکو جلد از جلد درخواستیں جمع کروانے کا مشورہ دیا ہے اور کہا ہے کہ درخواستیں جمع کروانے کے بعد بائیومیٹرکس کی تصدیق کے لیے 6 ہفتوں کا انتظار کیا جائے۔
کرسچن ٹرنر