اسلام آباد (نمائندہ خصوصی) چیئرمین سینٹ سید یوسف رضا گیلانی نے مینگو فیسٹول میں شرکت کی۔ انہوں نے کہا کہ مینگو فیسٹول میں ملتان کے آم رکھے گئے جس پر خوشی ہوئی، ہم آم  برآمد کریں گے تو  زرمبادلہ کما سکیں گے۔ باہر ممالک جاتے تو لوگ کہتے  تھے  آم، کینو اور چاول لائیں،گزشتہ روز آصف علی زرداری سے ملاقات ہوئی۔ آصف زرداری  آم کی پیداوار بڑھانے کی  بات کر رہے تھے۔ علاوہ ازیں چیئرمین سینٹ سید یوسف رضا گیلانی  نوابزادہ ارباب عمر فاروق کاسی کی رہائش گاہ آ گئے اورعمر فاروق کاسی کے والد اور عوامی نیشنل پارٹی کے بزرگ رہنما نواب ارباب عبدالظاہر کاسی کی وفات پر تعزیت اور فاتحہ خوانی کی ۔