مری(بیورو رپورٹ) مری میں 3ٹریفک حادثا ت ہوئے،پہلا حادثہ بھوربن مری کے قریب ایک کارکھائی میں گر گئی  معجزانہ طور پر کار میں سوار تمام افرا د محفوظ رہے،حادثہ کی اطلاع ملتے ہی ریسکیو1122 مری کی قریبی اسٹیشن میں موجود امدادی ٹیم ریکوری وہیکل اور اضافی سٹاف لیکرموقع پر پہنچ گئی جس کی اطلاع سنٹرل کنٹرول روم کو بھی فراہم کردی گئی،دو سرا ٹریفک حادثہ جی پی اوچوک کے قریب موواینڈ پک ہوٹل کے پاس پیش آیا جس میں ایک ویگوڈالا بریک فیل ہونے کے باعث بے قابو ہوگیا جس کے نتیجے میں تین افراد زخمی ہوگئے  جبکہ تیسرا ٹریفک حادثہ مری راولپنڈی جی ٹی روڈ تکیہ محرم شاہ کے قریب ہائی ایس نمبرRLC-9999بریک فیل ہونے کے باعث حادثہ کاشکارہوگئی، اطلاع ملتے ہی ریسکیو1122 کی امدادی ٹیم ایمرجنسی ایمبولینس کے ہمراہ موقع پر پہنچ گئی حادثہ میں 8 افرا د زخمی ہوگئے جن میں سے چار افراد معمولی زخمی ہوئے جنکو موقع پر ہی طبی امداد دی گئی جبکہ چار افرا کو پمزہسپتال اسلا م آباد منتقل کردیاگیا،جی پی اوکے حادثہ کی اطلا ع ملنے پر ریسکیو1122 مری کے اہلکار ایمرجنسی ایمبولینس لیکر موقع پر پہنچ گئے اورامددی کاروائی کرتے ہوئے زخمیوں کو ابتدائی طبی امداددینے کے بعد تحصیل ہیڈکواٹر ہسپتال منتقل کردیاگیا۔