چین میں ہوا کے بگولے نے بڑے پیمانے پر تباہی مچا دی ، طاقتور بگولے سے گھروں کی چھتیں اڑ گئیں ، 5 افراد ہلاک اور 100 سے زائد زخمی ہو گئے۔غیر ملکی میڈیا کے مطابق ہوا کے بگولے نے مشرقی چین کے ایک ٹاؤن میں انفرا اسٹرکچر کو بھی شدید نقصان پہنچایا۔ طاقتور بگولے نے درختوں کو جڑ سے اکھاڑ دیا جبکہ گھروں کی چھتیں بھی ہوا میں اڑ گئیں. تیز ہواؤں کے باعث 2800 سے زائد گھروں کو بھی نقصان پہنچا۔انتظامیہ کے مطابق متاثرہ علاقوں میں ایمرجنسی نافذ کر دی گئی ہے. علاقے سے ملبہ ہٹانے سمیت دیگر امدادی کارروائیاں شروع کر دی گئی ہیں۔

واضح رہے اپریل میں بھی ہوا کے بگولے نے چین کے جنوبی شہر گوانگزو میں تباہی مچائی تھی. جس میں کم از کم 5 افراد ہلاک اور 33 زخمی ہوئے تھے۔