لاہور (سپورٹس رپورٹر) پاکستان کرکٹ بورڈ نے اے سی سی انڈر 19 ایشیا کپ 2012ءٹورنامنٹ کےلئے پاکستان انڈر 19 ٹیم اور مینجمنٹ کا اعلان کر دیا ہے۔ بابر اعظم کو 16 رکنی سکواڈ کی قیادت سونپی گئی ہے۔ انڈر 19 ایشیا کپ 21 جون سے یکم جولائی تک ملائیشیا میں کھیلا جائیگا۔ پاکستان کرکٹ بورڈ کی جانب سے اعلان ہونے والے 16 رکنی سکواڈ میں سمیع اسلم، امام الحق، عمر وحید، عزیز اﷲ، میر حمزہ، احسان عادل، سلمان آفریدی، بابر اعظم (کپتان)، محمد نواز، سید فراز علی، اختر وحید کیانی، محمد ضیاءالحق، شاہد الیاس، عثمان قادر، سید سعد علی اور جمشید شوکت علی شامل ہیں۔ ٹیم مینجمنٹ میں ہارون رشید ٹیم مینجر، صبیح اظہر، ڈاکٹر سہیل سلیم فزیو، یاسر ملک ٹرینر اور عثمان ہاشمی انالسٹ ہونگے۔