شہباز شریف جو کہتے ہیں کرکے دکھاتے ہیں: گورچانی

لاہور (خصوصی نامہ نگار) ڈپٹی سپیکر پنجاب اسمبلی سردار شیر علی گورچانی نے کہا ہے شہباز شریف نے اسمبلی میں پہلی تقریر میں لوڈشیڈنگ کو ختم کرنے کے جس عزم کا اظہار کیا ہے پنجاب کے عوام کو پورا یقین ہے وہ اس میں کامیاب ہوں گے کیونکہ شہباز شریف جو کہتے ہیں وہ کر کے دکھاتے ہیں ۔ مفاد عامہ کے جتنے بھی منصوبے انہوں نے گزشتہ دور میں شروع کئے تھے وہ جاری رہیں گے۔