سعودی عرب کے سبکدوش ہونیوالے سفیر عبدالعزیز ابراہیم الغدیر کو نشان قائداعظم سے نوازا گیا

 اسلام آباد (آئی این پی) حکومت نے پاکستان اور سعودی عرب کے درمیان باہمی تعلقات کے فروغ کیلئے خدمات کے اعتراف میں سعودی عرب کے سبکدوش ہونے والے سفیر ڈاکٹر عبدالعزیز ابراہیم الغدیر کو نشان قائداعظم کے اعزاز سے نوازا۔ اس سلسلے میں جمعہ کو ایوان صدر میں خصوصی تقریب منعقد ہوئی جس میں صدر  ممنون حسین نے سعودی عرب کے سبکدوش ہونے والے سفیر ڈاکٹر عبدالعزیز بن ابراہیم الغدیر کو نشان قائد اعظم کے اعزاز سے نوازا۔ وزیراعظم نواز شریف نے ڈاکٹر عبدالعزیز بن ابراہیم الغدیر کونشان قائداعظم عطا کرنے کیلئے صدر مملکت کو ایڈوائس بھیجی تھی۔