پیرس (سپورٹس ڈیسک) سربیا کے نووک جوکووک نے ایرنسٹس گلبس کو شکست دے کر فرنچ اوپن ٹینس ٹورنامنٹ کے فائنل میں جگہ بنا لی۔ سربین سٹار نووک نے سیمی فائنل میں گلبس کو سخت مقابلے کے بعد چھ تین، چھ تین، تین چھ اور چھ تین سے شکست دی۔   نووک نے کہا کہ فائنل میں پہنچنے پر بے حد خوش ہوں۔ دوسرے سیمی فائنل میں سپین کے رافیل نڈال نے برطانیہ کے اینڈی مرے کو چھ تین، چھ دو اور چھ ایک سے شکست دے کر فائنل کیلئے کوالیفائی کر لیا۔ ویمنز سنگلز کا فائنل آج ہو گا۔