ملتان (آئی این پی) وہاڑی روڈ پر مسافر بس کی موٹر سائیکل کو ٹکر سے خاتون اور بچی موقع پر ہی جاں بحق ہو گئے۔ ریسکیو حکام نے35سالہ نوشین بی بی اور نوسالہ انسہ کی نعشوں کو نشتر ہسپتال منتقل کر دیا۔ملتان کے علاقے وہاڑی روڈ کے قریب موٹر وے پل کے مقام پر مسافر بس کی موٹرسائیکل سے ٹکر ہوئی۔ حادثہ اس قدر خوفناک تھا کہ موٹر سائیکل پر سوار ایک خاتون اور بچی موقع پرہی جاں بحق ہوگئے جب کہ موٹر سائیکل سوار شدید زخمی ہو گیا۔واقعہ کی اطلاع ملتے ہی ریسکیو ٹیم موقع پر پہنچ گئی اور جاں بحق ہونے والی خاتون اور بچی کی نعشوں کو نشتر ہسپتال منتقل کر دیا گیا۔