کراچی میں کومبنگ آپریشن‘ منشیات فروش سمیت 3 مشتبہ افراد گرفتار

کراچی(آئی این پی) پٹیل پاڑہ میں پولیس اور رینجرز نے کومبنگ آپریشن کے دوران منشیات فروش سمیت تین مشتبہ افراد کو حراست میں لے لیا ہے۔تفصیلات کے مطابق کراچی کے علاقے پٹیل پاڑہ میں پولیس اور رینجرز نے سرچ اینڈ کومبنگ آپریشن کیا۔ آپریشن کے دوران علاقے کے داخلی اور خارجی راستے سیل کر کے گھروں کی تلاشی لی گئی۔آپریشن کے دوران پولیس نے منشیات فروش سمیت تین مشتبہ افراد کو حراست میں لے لیا ہے۔ پولیس کے مطابق ملزم طاہر کے قبضے سے دو کلو سے زائد منشیات برآمد کی گئی ہے۔ پولیس نے ملزمان کو کو تفتیش کے لیے تھانے منتقل کر دیا ہے۔