برطانیہ میں شرپسندوں نے مسجد اور گوردوارے کو آگ لگا د ی

لندن (صباح نیوز)برطانیہ میں شرپسندوں نے لیڈز کے بیسٹن کے علاقے میں ایک مسجد اور لیڈی پٹ لین میں ایک گردوارے کوآگ لگا دی۔ غیرملکی خبررساں ادارے کے مطابق برطانیہ میں شرپسندوں نے لیڈز کے بیسٹن کے علاقے میں ایک مسجد اور لیڈی پٹ لین میں واقع ایک گردوارے کوآگ لگا دی ، یہ واقعہ صبح 3بجکر 40 منٹ پر پیش آیا۔ پولیس حکام کے مطابق فائر بریگیڈ نے آگ پر فوری قابو پالیا تاہم اس دوران مسجد کا دروازہ جل گیا۔ اس واقعے کے 40 منٹ بعد لیڈز میں واقع گردوارے کو بھی چار بج کر بیس منٹ پر شرپسندوں نے نشانہ بنایا، دونوں عبادت گاہوں پر حملے کو پولیس نے نفرت انگیز قرار دیا ہے۔