ووہان سے دوسری فلائیٹ کے ذریعے پاکستانی طلباء وطن واپس پہنچ گئے

اسلام آباد(نیوزرپورٹر) چین کے شہر ووہان سے دوسری فلائیٹ کے ذریعے پاکستانی طلباء وطن واپس پہنچ گئے ہیں۔وزارت اوورسیز کے مطابق کورونا وبا کی وجہ سے چین میں پھنسے 275پاکستانی طلباء کو لے کر دوسری فلائیٹ اسلام آباد ائرپورٹ پہنچی جہاں پر اوورسیز پاکستانیز فاؤنڈیشن کے حکام نے طلباء کا استقبال کیا۔وزیر اعظم عمران خان کی خصوصی ہدایت پر واپس آنیوالے طلباء کو رعایتی ٹکٹس فراہم کی گئیں ہیں۔