ٹڈی دل کیخلاف آپریشن جاری،پنجاب میں 118198 ہیکٹر ایریا پر سروے

اسلام آباد (نمائندہ نوائے وقت) ٹڈی حملہ کے خلاف ملک بھر میں جاری آپریشن کے حوالے سے این ایل سی سی نے کہا ہے کہ محکمہ فوڈ سکیورٹی، محکمہ زراعت اور پاکستان آرمی کی مشترکہ ٹیمیں متاثرہ اضلاع میں سروے اور کنٹرول آپریشن کر رہی ہیں- ہفتہ کو جاری اعلامیہ کے مطابق ملک بھر میں 5202 اسکوائر کلومیٹر رقبہ پر کنٹرول آپریشن کیا جا چکا ہے ،53 اضلاع کے متاثرہ علاقوں میں 1124 سے زائد ٹیمیں اس مہم میں حصہ لے رہی ہیں - جاری اعلامیہ کے مطابق ملک بھر میں 257241 اسکوائر کلومیٹر رقبہ پر سروے کیا جا چکا ہے ،پنجاب میں پچھلے 24 گھنٹوں میں 118198 ہیکٹر ایریا پر سروے کیا گیا،میانوالی اور ڈی جی خان اضلاع میں ٹڈی دل کی موجودگی پر 99 ہیکٹر ایریا پر آپریشن کیا گیا۔ اعلامیہ کے مطابق سندھ میں پچھلے 24 گھنٹوں میں 118198 ہیکٹر ایریا پر سروے کیا گیا ،5 اضلاع میں ٹڈی دل کی موجودگی پر 645 ہیکٹر ایریا میں آپریشن کیا گیا۔ این ایل سی سی کے مطابق خیبر پختونخواہ میں پچھلے 24 گھنٹوں میں 81890 ہیکٹر ایریا پر سروے کیا گیا - این ایل سی سی کے مطابق 9 اضلاع میں ٹڈی دل کی موجودگی پر 874 ہیکٹر ایریا میں آپریشن کیا گیا - این ایل سی سی کے مطابق بلوچستان میں پچھلے 24 گھنٹوں میں 125989 ہیکٹر ایریا پر سروے کیا گیا ، 33 اضلاع میں ٹڈی دل کی موجودگی پر 3533 ہیکٹر ایریا میں آپریشن کیا گیا - این ایل سی سی کے مطابق آپریشن کے دوران ہوائی جہازوں اور ہیلی کاپٹرز کا استعمال بھی کیا جا رہا ہے ۔این ڈی ایم اے نے ملک بھر میں ٹڈی دل کے خلاف آپریشن کی تفصیلات جاری کر دی ہیں جس کیم طابق اس وقت ملک کے 49 اضلاع میں ٹڈی دل موجود ہے،بلوچستان کے 33 ، خیبر پختونخواہ 9، پنجاب 2 اور سندھ کے 5 اضلاع متاثر ہیں جبکہ بلوچستان میں خضدار، آواران، نوشکی، چاغی، گوادر، اتھل، کیچ، پنجگور، خاران، وشوک اور کوئٹہ کے علاوہ دیگر اضلاع بھی متاثر،کے پی میں ڈیرہ اسماعیل خان، ٹانک، شمالی و جنوبی وزیرستان، لکی مروت، کرک، کرم، اورکزئی اور خیبر کے اضلاع متاثر ہیں،پنجاب میں ڈیرہ غازی خان اور میانوالی میں ٹڈی دل موجود ہے ،سندھ میں میرپورخاص، تھرپارکر، ٹنڈو آلہ یار، جامشورو اور شہید بے نظیر آباد میں ٹڈی دل کے حملے ہوئے ،ٹڈی دل کے متاثرہ علاقوں کا سروے اور کنٹرول آپریشن جاری ہے۔ ترجمان کے مطابق 1124 ٹیموں نے لوکسٹ کنڑول آپریشن میں حصہ لیا، گذشتہ 24 گھنٹوں میں 3 لاکھ 44 ہزار ہیکٹر رقبہ کا سروے ہوا۔ ترجمان کے مطابق 24 گھنٹوں میں 4500 ہیکٹر رقبہ کا ٹڈی دل کو تلف کرنے والی ادویات کا اسپرے کیا گیا،ترجمان کے مطابق بلوچستان میں 2900 ہیکٹر رقبہ پر اسپرے کیا گیا،ترجمان کے مطابق پنجاب میں 100 ہیکٹر پر سپرے کیا گیا،خیبر پختونخواہ میں 900 ہیکٹر رقبہ کی ٹریٹمنٹ ہوئی،سندھ میں گذشتہ روز 600 ہیکٹر رقبہ ٹریٹمنٹ کیا گیا،اب تک پورے ملک میں 5 لاکھ 20 ہزار 200 ہیکٹر رقبہ پر سپرے کیا جا چکا ہے۔