بورے والا میں یکے بعد دیگرے چار وارداتیں ،شہری خوف میں مبتلا

بورے والا(نامہ نگار) دو نامعلوم مسلح نقاب پوش موٹر سائیکل سوار ڈاکوئوں نے 30 منٹ میں برق رفتاری سے شہر کے مصروف ترین علاقوں میں چار ڈکیتیوں کے ذریعے شہریوں کے اوسان خطا کر دیئے ڈاکو سب سے پہلے دو میڈیکل سٹورز سے ایک لاکھ 40ہزار نقدی کے علاوہ وہاں دوائی لینے کیلئے آنے والی خاتون سے گن پوائنٹ پر اسکے 6تولہ کے طلائی کنگن چھین کر فرار ہو گئے ڈاکو یہاں سے ریل بازار میں واقع کپڑے کے تاجر شہزاد شاہ سے 45 ہزار روپے نقدی جبکہ اسکے بعد ڈاکوئوں نے 505 (ای بی) روڈ پر واقع ایک بیکری سے بھی گن پوائنٹ کر 50 ہزار سے زائد نقدی لوٹ کر فرار ہو گئے ۔