قومی اسمبلی اجلاس آج، ایجنڈے کے مطابق امور نمٹائے جائیںگے

اسلام آباد(نا مہ نگار)قومی اسمبلی کا اجلاس آج شام پانچ بجے سپیکر اسد قیصر کی صدارت میں ہو گا،اجلاس میں ایجنڈے کے مطابق امور نمٹائے جائیںگے۔صدر مملکت ڈاکٹر عارف علوی نے قومی اسمبلی کا اجلاس 7جون کی پیر شام 5بجے پارلیمنٹ ہائوس میں طلب کیا ہے ۔ قومی اسمبلی سیکرٹریٹ کے مطابق صدر نے اجلاس آئین کے آرٹیکل 54کی شق 1کے تحت  حاصل اختیارات کو بروئے کار لاتے ہوئے  طلب کیا ہے۔ یہ اجلاس موجودہ قومی اسمبلی کا 34 واں جبکہ تیسرے پارلیمانی سال کا 12واں اجلاس ہو گا۔