لاہور(سپورٹس رپورٹر)ملتان سلطانز کے سپنر عثمان قادرنے کہاہے کہ پاکستان سپر لیگ نے میرے کیریئر کی راہ بدلنے میں اہم کردارادا کیا، جب بھی کوئی میچ کھیلتا ہوں، آخری میچ سمجھ کر کھیلتا ہوں۔ یو اے ای میں سپنرز کو مدد ملے گی، کوشش ہوگی اچھا پرفارم کروں۔ باقی 5 میچز جیت کر ٹورنامنٹ کے پلے آف میں آنے کی کوشش کرینگے، پی ایس ایل 6 میں اچھا آغاز نہیں ہوا تھا، کم بیک کرسکتے ہیں۔ ملک میں یہ سوچا جاتا ہے کہ کرکٹر کا بیٹا ہے تو سفارش پر ہی آیا ہوگا، اگر کسی میں ٹیلنٹ ہے تو اسکا آگے آنا بنتا ہے۔