نوشہرہ ورکاں:رکشہ کھیتوں میں جاگرا،2خواتین زخمی،تربوز سے لدا ٹرک الٹ گیا

نوشہرہ ورکاں(نامہ نگار+نمائندہ نوائے وقت)تیزرفتاررکشہ الٹنے سے دوخواتین شدیدزخمی، نواحی گاوں چک دونی چند کے قریب کمسن ڈرائیور کی تیزرفتاری کی وجہ سے بے قابو ہوکر رکشا  کھیتوں میں جاگراجس سے رکشا سوار چک دونی چند کی رہائشی خواتین پینتالیس سالہ نجمہ بی بی اور پچپن سالہ نسیم بی بی شدید زخمی ہو گئیں جبکہ رکشا ڈرائیور کو خوش قسمتی سے کوئی چوٹ نہ آئی اطلاع ملتے ہی ریسکیو 1122کی ٹیم نے زخمیوں کو ریسکیو کرکے فرسٹ ایڈ فراہم کرتے ہوئے ٹی ایچ کیو ہسپتال منتقل کر دیا ادھر گاوں عابد آباد کے زمیندار رشید احمد کے  کھتیوں سے لاکھوں روپے مالیت کے تربوز لوڈ کرکے ملتان جانے والا ٹرک کھنڈ پیر کے قریب ٹائر پھٹنے پر کھیتوں میں الٹ گیا اور لاکھوں رویے کے  تمام تربوز ضائع ہو گئے اور ٹرک بھی بری طرح تباہ ہوگیا جبکہ ڈرائیور معجزانہ طور پر محفوظ رہا۔