لاہور ( کلچرل رپورٹر) ڈرامہ اور فلم انڈسٹری کی معروف اداکارہ صبا قمر کی ایک ویڈیو سوشل میڈیا پر وائرل ہے جس میں دونوں دوست اداکارائیں اپنی محبت کا اظہار کررہی ہیں۔وائرل ویڈیو میں صبا قمر نے مہوش حیات بارے اپنے مداحوں کیساتھ کچھ باتیں شیئر کیں۔ اداکارہ صبا قمر نے مہوش حیات کے بارے بات کرتے ہوئے ان کا شکریہ ادا کیا اور کہا کہ میں نے انہیں 11 بجے کال کی اور وہ صرف 2 گھنٹے کے مختصر نوٹس پر آئیں۔انہوں نے کہا کہ اس سے قبل میں مہوش کے بارے میں بہت سن رہی تھی کہ شاید وہ بیرون ملک ہوں لیکن میں نے سوچا کہ پہلے خود پتہ کرلوں کہ وہ ادھر ہیں کہ نہیں۔صبا قمر کا کہنا تھا کہ مجھے بہت اچھا لگا کہ وہ میرے لئے آئیں ، اتنا پیار دیا اور پھر سینما سے باہر نکلتے ہوئے ہاتھ پکڑ کے میرے ساتھ یہ دوستی ہم نہیں چھوڑیں گے گانا بھی گایا۔صبا قمر نے مہوش حیات سے محبت کا اظہار کرتے کہا مہوش آئی لو یو۔