پاکستان ویٹرنزاور عمان ماسٹرز ویٹرنزکے درمیان ٹیسٹ سیریز شروع

کراچی(اسپورٹس رپورٹر) پاکستان ویٹرنز کلب اور عمان ماسٹرز ویٹرنز ہاکی ٹیم کے درمیان تین میچوں پر مشتمل ٹیسٹ سیریز شروع ہوگئی، گزشتہ شب اولمپئین اصلاح الدین و ڈاکٹر محمد علی شاہ ہاکی اکیڈمی کے برقی قمقموں کی روشنی میں کھیلے گئے پہلے میچ میں پاکستان ویٹرنز کلب نے عمان کی ٹیم کو دلچسپ معارکے میں ایک کے مقابلے میں دو گول سے شکست دے دی، اور سیریز میں ایک، صفر کی برتری حاصل کرلی، فاتح ٹیم کی جانب سے اولمپئین کامران اشرف نے 9 ویں  منٹ، اولمپئین سمیر حسین نے 41 ویں منٹ میں گول اسکور کئے جبکہ عمان کی ٹیم کا واحد گول عطا حسن نے میچ کے 20 ویں منٹ میں اسکور کیا. میچ کے مہمان خصوصی کمشنر کراچی اقبال میمن نے سیریز کا افتتاح کیا۔