اجنیانوالہ(نمائندہ نوائے وقت) مسلم لیگ (ق) یوتھ ونگ کے صدر صغیر احمد منج نے کہا ہے کہ (ق) لیگ تحریک انصاف کی اتحادی ہے جس کے پیش نظر ابھی تک پارٹی پلیٹ فارم سے الیکشن لڑنے کا کوئی فیصلہ نہیں کیا گیا اور قوی امکان ہے کہ پنجاب کی مختلف نشستوں پر ہونے والی حالیہ ضمنی انتخابات میں پی ٹی آئی کا ساتھ دیا جائے گا ۔ (ق) لیگ ہی عوام کی حقیقی نمائندہ جماعت ہے جس کی قیادت پر قوم بھرپور اعتماد رکھتی ہے اور چوہدری برادران کو اپنا حقیقی مسیحا و نجات دھندہ سمجھتی ہے۔