تحریک انصاف ماضی کا قصہ ، عمران کی سیاست بند گلی میں آ چکی:نثار احمد چیمہ

علی پورچٹھہ( نامہ نگار )تحریک انصاف اب ماضی کا قصہ اور عمران خان کی سیاست بند گلی میں داخل ہو چکی، تبدیلی سرکار نے معیشت کو تباہی کے دہانے پر پہنچا دیا پاکستان کو تنہا کرنے والے عمران خان کا چہرہ اب عوام کے سامنے بے نقاب ہو چکا ہے ان خیالات کا اظہار ممبر قومی اسمبلی ڈاکٹر  نثار احمد چیمہ نے رہنما مسلم لیگ ن بشارت علی چیمہ کی رہائش گاہ پر صحافیوں سے گفتگو کرتے ہوئے کیا انہوں نے کہا کہ کھلاڑیوں، اناڑیوں کی نالائقی اور بدانتظامی کی سزا پوری قوم بھگت رہی ہے ملکی معیشت کو سہارا دینے کیلئے سخت فیصلے دل پر پتھر رکھ کر کئے گئے۔بہت جلد حالات بہتری کی جانب رواں دواں اور ملک ترقی و خوشحالی کی راہ پر گامزن ہو گا موجودہ ملکی حالات میں وزیراعظم محمد شہباز شریف ہی ملک کو بحرانوں سے نکالنے کی اہلیت رکھتے ہیں ۔ وہ سیاست نہیں ملک کی بقاء کی جنگ لڑ رہے ہیں۔انہوں نے کہا کہ علی پور چٹھہ میں ٹراما سنٹر کے قیام کے سلسلہ میں وزیراعظم سے ملاقات کرونگا صحت سمیت بنیادی سہولیات کی فراہمی کیلئے عملی اقدامات اٹھائے جائیں گے اس موقع پر شاہد نواز چٹھہ احمد حسن تبریز اکرم سندھو امتیاز احمد چٹھہ عمران اسحاق لیاقت علی مہر اور ملک شبیر موجود تھے۔دریں اثناء  طارق محمود مغل کے گارمنٹس سٹور میکس فیشن  کا افتتاح کرتے ہوئے ڈاکٹر  نثار احمد چیمہ نے کہااس میں کوئی شک نہیں کہ جائز روزی کمانا کسی بھی انسان کیلئے مشکل یا ناممکن نہیں۔ تاجر برادری اگر ناجائز منافع خوری سے باز آ جائے تو ہمارے حالات سدھر سکتے ہیں۔ اس موقع پر ایڈووکیٹ عامر محمود ریاڑ، بشارت علی چیمہ امتیاز احمد چٹھہ عمران اسحاق تبریز اکرم سندھو اور دیگر موجود تھے۔