انصاف اور امن کی فراہمی کی پوری کوشش کروں گا، شہزاد ندیم بخاری 

راولپنڈی(اپنے سٹاف رپورٹر سے)سٹی پولیس آفیسر سید شہزاد ندیم بخاری نے پولیس لائنز ہیڈ کوارٹرز میں صحافیوں کے ساتھ تعارفی ملاقات کی اور ان کے سوالات کے جوابات دئیے،میڈیا پرسنز میرے دست و بازو ہیں معاشرے کی اصلاح کیلئے آپ کی سپورٹ ضروری ہے، سب سے اہم کام انسانیت کی خدمت کرنا ہے، ہمیں ایک ٹیم بن کر اس مشن پر کام کرنا ہے، کرائم کو کنٹرول کرکے شہریوں کوحقیقی سروس ڈیلیوری فراہم کرنا چاہتا ہوںقبضہ مافیا کے خلاف زیرو ٹالیرنس پالیسی ہے جسے ہر صورت یقینی بنایا جائے گا، انصاف اور امن کی فراہمی کی پوری کوشش کروں گا، ہم سب ملکر اس شہر کو امن کا گہوارہ بنائیں گے سی پی او نے کہاکہ سب سے اہم کام انسانیت کی خدمت کرنا ہے، ہمیں ایک ٹیم بن کر اس مشن پر کام کرنا ہے،ہم سب ملکر اس شہر کو امن کا گہوارہ بنائیں گے ہم ہر افسر ہر سپاہی سے شہریوں کی حفاظت اور سہولت کا کام لیں گے سید شہزاد ندیم بخاری نے کہا کہ پولیسنگ میں بہتری کیلئے انوسٹی گیشن اور آپریشن ونگ بنائے جائیں گے شہریوں کے مسائل کا بروقت حل انتہائی اہم ہے جسے یقینی بنایا جائے گا، فورس کی ویلفیئر اور احتساب بھی ضروری ہے۔