اسلام آباد (اپنے سٹاف رپورٹر سے)شہریوں کوڈکیتی ،چوری کی وارداتوں میں تین گاڑیوں، 6موٹر سائیکلوں، نقدی سمیت قیمتی سامان سے محروم کر دیا تھانہ بنی گالہ کو عزیز الرحمان نے بتایا کہ ڈھوک بلاغ میں نامعلوم چوروں نے گھر سے 4لاکھ 11ہزار روپ،2گھڑیاں بچی کی سونے کی انگوٹھی چوری کرلی،تھانہ آبپارہ کو صاحبزادہ نے بتایا کہ نامعلوم چوروں نے موبائل فون چوری کرلیا،تھانہ لوہی بھیر کو محمد اسلم نے بتایا کہ نامعلوم افراد نے دفتر میں داخل ہو کر موبائل فون اور اے ٹی ایم کارڈ ز چھین لئے،تھانہ شہزاد ٹان کو فہیم اشرف نے بتایا کہ علی پور میں نامعلوم چوروں نے گھر میں داخل ہو کر 18ہزار روپے، سونے کی انگوٹھی چوری کرلی،تھانہ ترنول کو عظیم داد شاہ نے بتایا کہ 26نمبر چونگی کے علاقے میں نامعلوم چوروں نے 1لاکھ 20ہزار روپے چوری کرلئے، تھانہ آئی نائن کو نعمان شاہد نے بتایا کہ نامعلوم افراد نے موٹر سائیکل AGQ-025چھین لیا، تھانہ سبزی منڈی کے علاقے سے عدنان اسلام کی گاڑی، تھانہ کوہسار کے علاقے سے جہانزیب ارشد کی گاڑی،تھانہ گولڑہ کے علاقے سے احسن علی کی سوزوکی ، بلیو ایریا سے حسنین شکیل کا موٹر سائیکل ، جی 13تھری سے محمد اللہ کا موٹر سائیکل ، تھانہ گولڑہ کے علاقے سے امتیاز کا موٹر سائیکل، تھانہ کراچی کمپنی کے علاقے سے راجہ مسیح کا موٹر سائیکل، غوری ٹاؤن سے غلام مصطفی کا موٹر سائیکل، بلال ٹاؤن سے غلام یاسین کا موٹر سائیکل چوری ہو گیا۔